Nanksbry
AKI AKI PECINTA ABG
Kapten Jlitheng.Satu lagi crita heroik untuk HUT RI
Copas lagi tapi lupa darimana, jangan kuatir kalo penulis aslinya marah² karena saya udah ijin ke Kapten Djliteng
Sing tak tulis iki kedadeyan nyata watara taun suwidak pitu ing sawijining kutha cilik ing Jawa wetan.Nalika iku aku isih cilik , isih sekolah.
Aku sering dolan ing wismamu.
Wong kiwa tengen ngundang penjenengan mbah Kromo.
Mung kuwi sing tak weruhi.
Ragamu sing kuru aking , uripmu sarwa prasaja, senajan gubug reyot nanging resik gemrining , netramu tajem , alis kandel tur ketel , rawis sing njlirit, aku percaya nalika muda mesthi bagus , mung eman ora kagungan putra .
Saben aku sowan , penjenengan crita dongeng wiwit, dongeng kuna nganti crita perjuangan .
kaya ora ana enteke.
Batinku pitakon ?
Nek ndeleng kahananmu sing sarwa prasaja ewa dene kaya nyolong pethek.
Presasat kaya wong pendidikan luhur.
Sing aneh maneh saben upacara hari pengetan nasional senajan saka kadohan mesthi rawuh nyawang saka adoh.
Praupanmu semringah , esemmu katon yen penjenengan gembira atimu.
Apa maneh yen mrisani kemlebete sang dwiwarna katon mongkok penggalihmu. Bubar upacara bendera terus mulih sepeda tuwa mbok tuntun urut pinggir dalan mecaki dalan nganti tekan wismamu.
Klambi Sing mbok agem kaya ora tau ganti ya mung kuwi- kuwi wae, clana komboran ireng sabuk othok nganggo slepi, klambi model potong gulon ireng iket warno gadhung mlathi caping amba.
Nganti ing sawijining dina pengetan 17 Agustus taun pira aku lali.
Aku mbolos ora melu upacara.
Aku ketemu penjenengan ngadeg jejeg sangisore ringin papan cedak kanggo upacara.
Nalika aku liwat mbok undang
: "Gus kok ra melu upacara "?
:" mboten mbah lagi males ".
Sakala tanganku mbok geret, mbok cengkerem kenceng nganti aku kelaran.
:" Kowe kari melu upacara wae wegah apa maneh melu berjuang ?
Deloken mripatmu neng Makam Pahlawan kae !
Kae toh nyawa tanpa dibayar korban kanggo bangsa iki deweke ora njaluk opah. Tujuane mung pengin Indonesia Merdeka.
O alah gus , aku ndongengi , nyritani kowe , wiwit ndisik karepku , ben thukul jiwa satriyamu , la kok jebul mung kaya ngono...?
Mripate mencereng katon yen ngempet nesu.
Aku ora suwala, terus ngadeg jejeg ing cedhake.
Sauntara iku , upacara wis diwiwiti .
Nalika lagu Indonesia raya ngumandhang lan sang merah putih kumlebet munggah tak lirik capinge di bukak terus hormat bendera sak tatane militer.
Aku tiru ing cedake.
Pitakonku muleg ana atiku , penjenengane iki sapa ?
Nalika upacara rampung deweke ora ngalih.
Isih ngadeg ing papan kono.
Ora let suwe ana sawjining perwira militer liwat kono, mbah kromo ngundang perwira kuwi.
:" mas jono ...
Perwira mau noleh ganti takon
:" Sampeyan sapa ?
Mbah kromo mbukak capinge :
:" Sampeyan pangling kalih kula .. ?
Perwira mau kaget
: " Lho kapten , kapten jlitheng ..?
Perwira mau kurmat cara militer.
: "siap kapten.
Terus nyalami ngambung astane mbah kromo terus ngrangkul , tembunge karo nangis.
:" Kapten penjenengan kula padosi wonten pundi- pundi mboten kepanggih.
Perwira mau katon leh kurmat lan ngajeni marang mbah kromo.
Mbah kromo mangsuli
: " aku ora neng ngendi- endi mas jono. Saiki awakmu wis penak pangkatmu wis kolonel.
Ora suwe mbah Kromo ngendika. ...
:" Wis gus ayo mulih" ,
karo njawil aku.
Aku mung tolah- toleh katon goblogku karo nurut diboncengke sepeda reyot.
Sawise tekan ngomah, ora let suwe ana mobil militer mandheg ing omahe mbah kromo.
Kabeh mudun mlebu omah reyot kuwi.
Kabeh katon ngajeni karo mbah kromo.
Saiki lagi ngerti yen mbah Kromo kuwi jebul sesinglone kapten Jlitheng kromo widagdo, komandan pasukan gerilya , resimen siluman sing dhek jaman perang kemerdekaan paling diwedeni prajurit landa wektu iku.
Yen bengi kulina njebol beteng ngorat-ngarit markase landa.
Sakala wong desa kono pada gumun ora ngira mbah kromo sing mlarat, sing kaya wong bodho kuwi tilas prajurit peng-pengan.
Ora let sawetara wulan saka kedadean kuwi mbah Kromo seda ndadak tanpa gerah, wektu seda isih nggegem merah putih lan ing cedhake ana piagam lan bintang cilik ana tulisane Pahlawan Gerilya.
Sakala wong desa kono geger.
Kanthi cepet pawarta iku sumebar sak kutha.
Ora let suwe pasukan militer pada teka nyiapake alat kanggo upacara penghormatan militer.
Karangan bunga pada teka kanthi ucapan
: " Ikut berduka cita atas meninggalnya Kapten Jlitheng Kromo Widagdo.
Aku nangis rumangsa kelangan.
Sawise disucekne lan disolati terus diwadhahi pethi dilurupi gendera merah putih.
Dijaga tentara kiwa tengen.
Upacara penghormatan diwiwiti pethi jenasah digawa metu ngliwati pasukan Salvo, kanthi komandhan upacara kolonel Sujono.
Ora sranta wektu iku aku mencolot saka papanku ngadeg hormat sangarepe pethi jenasah .
Aku dicedhaki kolonel sujono terus ngendika
: " wis gus tugase kapten wis rampung , penjenengane seda dadi kusumaning bangsa.
Kowe aku wajib nerusake perjuangane sing sepi ing pamrih rame ing gawe.
Aku diajak minggir upacara diwiwiti kanthi tembakan salvo.
Atiku mongkog .
Ya iki prajurit sejati sing pantes tinulad .
Penjenengane disare'ake ing Taman Makam Pahlawan.
Sugeng tindak kapten
Sugeng tindak Pahlawan
Sugeng tindak kusuma bangsa.
Kuteruskan perjuanganmu
Sekali Merdeka tetap Merdeka
Berkibar terus sang Saka
Terus Merdeka Anjayeng Bawana.
